الريم والذيب

موضوع: الريم والذيب الجمعة يناير 20, 2012 11:15 pm

الريم والذيب

الريم والذيب

ياذيب لاتطرد ورى الريم ياذيب

الريم عن دربك جفول وسريعه

تقديرها فوق اللحا والاشانيب

واشتر وفاها كان غيرك يبيعه

سلم وتلقى في مقابلك ترحيب

والنيه الشينه تراها وظيعه

ماتدري ان الريم تعرف وش تجيب

وتعاملك حسب القيم والشريعه

لو شفتها تحظر فموطنك وتغيب

غض البصر ترى المكانه رفيعه

الريم محشومه عن الشك والريب

حره لو الراعي يحوش فقطيعه

وانته ذبحك الجوع والهم والطيب

وامسيت ذيب(ن) مايعقب صنيعه

اقنب خلا ياذيب والسر فالجيب

همك جبال اطويق ماتستطيعه

مدري شناك الوقت والا الاصاحيب

والا شنوك مدورين القطيعه

حولك عرب نيرانهم فالمشاهيب

واسلاحهم فاليد تسمع قريعه

يرمون لكن رميهم مزري ايصيب

رمي الظهر ياذيب حاجه شنيعه

والريم تنظرلك بروس المراقيب

كب المواطي وارض ربي وسيعه

وان كان للريم الجفوله مطاليب

تبغاك تحفظ ودها ماتضيعه

قول ابشري وانا مجنب عن العيب

ذيب(ن) يجر الصوت في راس ريعه

سبحان منهو جمع الريم والذيب

لين اصبحو مثل الربيع وربيعه

الشاعر شاكر السلمي
منقول